Nagviral ang usa ka traffic enforcer sa Butuan City human nga mikapyot kini sa usa ka delivery truck gumikan aksiyon matud pa kining ligsan sa drayber.
Nasayrang miliko kon nagU-turn ang drayber sa trak ngadto sa J.C Aquino Avenue sa Butuan City rason nga giisyuhan kini og ticket sa enforcer.
Apan, inay nga ihatag ang iyang lisensiya, miatras kini aron ligsan ang enforcer, aron di matud pa maligsan ang maong enforcer, nakahuna-huna kining mukapyot na lamang sa bumper sa trak.
Hinoon, wala naangol ang enforcer human malampusong napahunong ang trak ingon man maaresto ang drayber.
Mag-atubang og kasong kalapasan sa Art. 151 sa Revised Penal Code o Resistance and Disobedience to a Person in Authority or the Agents of such Person ug Attempted Homicide ang maong drayber.
Gumikan sa maong panghitabo, hugot kining gikondena sa City Transportation and Traffic Management Department sa maong lungsod ang maong panghitabo.
