DAVAO CITY – Tanggong karon sa prisohan ang usa ka empleyado sa lokal nga kagamhan sa lungsod sa Kiblawan, human gidakop kini sa kapulisan atol sa buy-bust operation sa may Purok 5A, Barangay Poblacion, Kiblawan , Davao Del Sur.
Giila ang suspek nga si alyas “Balondo, 38-anyos , job order nga empleyado sa LGU Kiblawan ug nanimuyo sa susumang lugar. Subay sa imbestigasyon, nasikop ang suspek atol sa gipahigayon nga drug buy-bust operation sa mga sakop sa Padada Municipal Police Station uban ang mga sakop sa Provincial Drug Enforcement Unit, Intel-Unit ug Kiblawan Municipal Police Station.
Human napalitan ang suspek sa nagpakaaron ingnon buyer og usa ka pakete sa gituohang shabu nga dunay kantidad og Php 10,200.Kasamtangan, mag-atubang og kasong pagsupak sa republic Act 9165 kon Comprehensive Dangerous Drug act of 2002.
