Trending karon online ang post ni Jo Aw nga gikaingon nga gikulata sumala pa ni Jam Ignacio ang iyang igsuon nga si Jellie Aw kaniadtong Pebrero 12.
Sa maong post, nagtumong kini sa nabuak ug duguon nga nawong sa club disc jockey nga si Jellie nga gikasal kang Jam kaniadtong Nobyembre 11, 2024.
Daw kalit lang giatake ug gikulata ang iyang igsoon nga babaye samtang pauli na kini.
Maayo na lamang nga nakasinggit si Jellie sa usa ka tollgate nga ilang naagian ug naluwas kini sa mga pulis.
Sa laing bahin, si Jellie Aw nipaambit usab og hulagway sa social media kalabot sa mga samad nga naangkon niini sa iyang nawong human gikulata ni Ignacio.
Sa iyang sunod nga mga post sa iyang social media, adunay usa usab ka litrato nga nagpakita sa atubangan sa usa ka emergency wing sa ospital diin gidala kini aron makadawat sa tukma nga pagtambal.
Sa laing video, nagpasalamat si Jellie sa iyang igsoon nga si Jo sa pag-atiman niini gumikan sa nahigaom nga mga samad ug bun-og.
