-- ADVERTISEMENT --
DAVAO CITY – Usa ka trese anyos nga ulitawo ang gikatahong nalumos human mitabok sa dakong suba sa Purok 11, Barangay Katipunan, Kapalong, Davao del Norte, kagahapon sa buntag.
Sumala pa sa report, mitabok ang nawalang batan-on nga si alyas Glen sa Libuganon River sa taknang alas-nuwebe sa buntag aron manguha ug uhong kon mushroom.
Apan pagkalabang sa nahisgutan, wala na kini makita pa. Matud pa sa iyang mga kauban, gisuwayan pa og pugong ang biktima aron dili unta patabukon apan mipugos kini bisan dili kabalo mulangoy.
Kasamtangan gipahigayon ang usa ka search and rescue operation ang Kapalong MDRRMO aron maluwas ug matabang pa ang nawalang ulitawo.
via || Bombo LJ Florendo
-- ADVERTISEMENT --
