Sa usa ka nasud nga kanunayng nabay-og sa linog, usa ka modernong imbensyon ang literal nga nagapalutaw og paglaum alang sa mas luwas nga mga panimalay.
Ang Air Danshin Systems Inc., nga gitukod sa imbentor nga si Shoichi Sakamoto, nakahimo og talagsaong seismic isolation system nga makapahugot sa tibuok balay sa taliwala sa linog.
Sa higayon nga makamatikod og pag-uyog ang mga sensor, dali kining magpagawas og compressed air ilawom sa balay, nga mao’y magatulod niini pataas og hangtod 3 sentimetro — igo ra aron malikayan ang grabe nga pag-uyog.
Sulod lang sa katunga sa usa ka segundo, molutaw na ang balay sa hangin samtang nagpadayon ang linog, ug hinay-hinay kining ibalik sa yuta sa dihang mohunong na ang pag-uyog.
Bisan pa man og adunay pahimangno ang mga eksperto nga posible nga masulayan sa mas kusog ug multi-directional nga mga linog ang limitasyon sa maong sistema, padayon nga positibo ang panan-aw sa maong teknolohiya.
Karon, gisugdan na ang crowdfunding aron mapalapad ang paggamit sa floating house system, dili lang sa Japan, kondili apil na usab sa ubang parte sa kalibutan.
