Usa ka baby patay, human nga madat-ugan sa hubog niining amahan sa India!

Patay ang usa ka bag-ong himugso nga bata human nga madat-ugan kini hubog niining amahan, rason nga naglisod kini sa pag ginhawa nga misangpot sa kamatayon sa maong masuso niadtong Mayo 19 sa Khanapur Town, Nirmal District, India.

Giila ang amahan nga si Alakuntar Shekar, 22-anyos, diin hubog sumala pa niadtong mga tungora ug wala mabantayi nga nadat-ugan na niini ang kaugalingong anak.

Dako na lamang ang kakurat sa inahan nga giilang si Sujatha, sa dihang nasayran niini nga wala na miginhawa ang ilahang anak.

Dali nga gidala sa balay tambalanan ang maong bata, apan wala na kini natabang pa.

Sa karun, desidido ang hingtungdan nga kasohan ang hubog niining amahan sa biktima.