DAVAO CITY – Usa ka high valued drug personality ang nadakpan sa usa ka Mandug Police sa gipahigayong buy bust operation kagahapon sa kaadlawon sa San Jose, Brgy Angliongto, Davao City.
Nailhan ang suspek nga si Angelie Pacate alyas “Gie”, 29 anyos, residente sa Pulang Lupa, Brgy Angliongto ning syudad.
Kauban sa maong top five high value drug personality sa tibuok rehiyon ang iyang live in partner nga si Rosendo Pelpinosas alyas “Ner” apan nakasibat kini human nakaikyas gikan sa mga pulis atol sa nahimong transaksyon.
Nakuha gikan kang alyas “Gie” ang usa ka pouch nga nag-unod ug cellphone ug mga ID; ug pito ka mga pakete sa gidudahang shabu nga anaa sa kinatibuk-ang otso gramos ang gibughaton ug mubalor sa kapin o kulang P150,000 ang kantidad.
Balhug karun sa Mandug Police Station si alyas “Gie” nga mag-atubang ug silot pagsupak sa Republic Act 9165 kon Comprehensive Dangerous Drugs Act of 2002.
via || Bombo LJ Florendo
