Midaug si Candelaria Rivas Ramos sa 2025 Canyon Ultra Marathon nga walay coach, walay sponsors, ug walay mahalong gamit — apan uban sa kusog nga gikan sa iyang kaugalingon.
Gibuntog sa 22 anyos nga babaye gikan sa Chihuahua, Mexico ang lisod ug init nga 63-kilometros nga karera sulod lamang sa 7 ka oras ug 34 minutos, nga misulod siya una sa finish line human sa paglakaw ug pagdagan sa kabukiran sa Tarahumara.
Usa ka maka-inspired ug maayong kutluan og maayong pagtulun-an ang iyahang ginapakitang determniasyon sa iyahang kaugalingon diin nunot pa man sa wala siyay team, wala siyay rubber shoes, kondili nagsul-ob lang ug tradisyonal nga huaraches ug lupì nga palda nga nagrepresentar sa iyang kaliwatan, nabuhat gihapon kining nagmalampuson sa karera.
Gipakita ni Candelaria nga ang kalampusan dili lamang magsukod sa kahimtang sa kinabuhi, apan sa pagsalig sa kaugalingon ug pagpakita sa garbo sa pagka-Katutubo.
Gipamatud-an niya nga bisan pa sa kakulang sa suporta, pondo, ug exposure, makadaog gihapon ang usa ka lumad nga adunay determinasyon ug kaisog.
Ang iyang kadaugan dili lamang pang-sports — kini usa ka kultural nga pahayag, ug usa ka timaan sa garbo sa lumad nga katawhan, nga wala nagapasabot nga kung walay nagasuporta sa imoha, wala na sab kay paglaom nga mudaog.
Gumikan ingun sa balaang pulong sa Ginoo nga bulahan ang mga tawong mapuanguron ug kugihan kay maangkon niini ang tumang kadaugan.
