DAVAO CITY – Angayan sumala pa nga himayon una ang sugyot nga tangtangon na ang pagkuha ug board ug bar exam sa nasud sa mga estudyante nga nakatapos na sa usa ka kurso ilabi na nga kini sumala pa ang sukdanan sa ilang mga kaalam ug nakat-unan sa pipila ka tuig nila nga pag-eskwela.
Kahinumduman nga nakadawat ug managlahi ug reaksiyon ang nahimong sugyot kini DOLE Sec. Silvestre Bello III nga nagkanayong mas maayo sumala pa nga dili na lamang ipahigayon ang board ug bar exam gumikan kay dugang lamang kini nga galastuhon sa mga estudyante ug igo na matud pa ang mga nagasto niini sa pipila ka tuig nga pagtuon.
Kahinumduman nga nagpadayag sa iyang pagsupak sa nahisgutan nga sugyot si Atty. Esraelito Torreon, usaka law professor ug Dean of sa College sa usaka Law School ning siyudad.
Una ng gibutyag sa nahisgutan nga ang ginapahigayon nga mga board ug bar examination makatabang aron nga masayran kung igo ba ang kaalam niini sa iyang napili nga propesyon.
Sama na lamang sumala pa sa mga abogado, mahinungdanon sumala pa masubay ang igong kaalam sa mga mosulod sa maong propesyon ilabi na nga katakos niini kung paunsa niya panalipdan ang ilang mga kliyente.
Gani sa iya sumala pang nahimong kasinatian sa pagtudlo, namatikdan ni Atty. Torreon nga aduna pa gihapoy mga estudyante nga dili igo ang kaalam partikular na ang simple nga paghimo lamang sentence ingon man nagkagrabe nga problema sa written communication ug ang reading comprehension sa mga estudyante.
Hinuon ang nahisgutan nga walay dautan nga tumong si Bello sa maong sugyot diin tumong lamang niini nga makunhuran ang gastos sa mga ginikanan ug estudyante.
