Gikondena ni US President Donald Trump ug Japanese Prime Minister Shigeru Ishiba ang pro-active activities o makabalakang kalihukan nga gihimo sa China sa West Philippine Sea (WPS).
Gihimo ang nahisgutang pahayag human nagka-estorya ang duha ug gipadayag sa duha ka lider ang ilahang pagsupak sa ilegal maritime claims sa China, pagtukod ug mga manmade island aron himuong military base lakip na ang mga pagpanghadlok niini sa rehiyon.
Samtang, gipahayag usab sa Philippine Coast Guard (PCG) ang ilahang plano nga muhimo ug mga joint exercises kauban ang mga coast guard sa Estados Unidos, Japan ug Australia.
Ang nahisgutang training ang gilaumang pagasundan sa ikaunom nga Multilateral Maritime Cooperative Activity (MMCA) nga gihimo kauban ang mga naval forces sa tulo ka mga alyadong nasud.
Ang dili pa lamang dugay nga MMCA ang miresulta sa pagpadala og mga frigate patrol ships ug mga search and rescue assets sa West Philippine Sea.
Samtang, gipahayag usab sa embahada sa Japan nga ang mga pagbansaybansay niadtong 2023 mao ang tumong sa pagpaayo sa operasyon ug kooperasyon.
