Gikatakdang mobisita sa Gaza si US Special Envoy to the Middle East Steve Witkoff karong adlawa, Agosto 2, isip kabahin sa diplomatikong paningkamot sa paghatag og humanitarian aid ug pagsusi sa kahimtang sa lugar.
Ang maong pagbisita nagsunod sa malampuson nga pakighimamat ni Witkoff kang Israeli Prime Minister Benjamin Netanyahu, diin ilang gihisgutan ang kahimtang sa seguridad ug ‘humanitarian issue’ sa Gaza Strip.
Matod ni White House Press Secretary Karoline Leavitt, si Witkoff magsusi sa mga distribution site diin ipang-apod-apod ang ayuda sa mga residente sa Gaza.
Lakip usab sa iyang itinerary ang personal nga paghatag og tabang sa mga apektadong pamilya sa rehiyon.
Samtang nagpadayon ang tensiyon tali sa Hamas ug Israel, wala gihapon madayon ang ceasefire agreement nga gisugyot sa Estados Unidos.
