Nagbahad si US President Donald Trump nga pahamtangan niini ug hataas nga taripa ang mga nasud nga dili mopabor sa iyaha nga kontrolon nila ang Greenland.
Dugang pa niini, kini ang iyang himuon alang sa seguridad na gihapon sa Greenland.
Usa kuno ka -importanting seguridad sa Estados Unidos ang Greenland gumikan sa strategic location ug dakong suplay sa mineral niini.
Ang Greenland ang usa ka semiautonomous territory sa Denmark nga kaalyado sa North Atlantic Treaty Organization (NATO).
Niadtong milabay nga mga adlaw, mibisita sa White House ang mga foreign ministers sa Denmark ug Greenland ug nahinabi nila sila si US Vice President JD Vance ug Secretary of State Marco Rubio apan walay konkretong natapos sa plano.
Gumikan niini, nagbutang sa ilahang mga sundalo sa Greenland ang pipila ka nasud sa Europa susama sa France, The Netherlands, Germany, Sweden ug United Kingdom.
