Gitawag ni US President Joe Biden isip “dangerous precedent” ug makaguba sa rule of law ang desisyon sa US Supreme court nga partial immunity kay kanhing Pangulong Donald Trump gikan sa mga proceso sa ginaatubang niining kaso nga kriminal.
Sa usa ka televised statement niini niadtong lunes, gibutyag niViden nga ang maong gihamtang kay Trump ang usa ka ‘terrible disservice’ alang sa mga Amerikans.
Nagkanayon usab kini nga gibuhat ang Amerika sa prinsipyo nga ang matag-usa ang patas sa atubangan sa balaod. Walay bisan kinsa ang makalamang sa balaod bisan pa ang presidente sa Estados Unidos.
Samtang gihisgutan usab ni US President Biden ang gibuhat ni Trump nga pagpadala og mga tao sa US Capitol nga miresulta sa iyahang gina-atubang nga posible nga criminal conviction nga nahitabo niadtong Enero 6.
Matud pa niini nga kinahanglan usab nga adunay tubag ang korte suprema ngadto sa mga residente kalabot sa maong kaso ayha ang nagkaduol nga US Presidential Election.
