Gipukan sa militar sa Estados Unidos ang usa ka Iranian drone nga misulod og duol sa ilang aircraft carrier sa Arabian Sea, usa ka lakang aron mapanalipdan ang barko ug ang mga personnel niini. Sumala sa CENTCOM spokesperson Tim Hawkins, gigamit ang F-35C fighter jet gikan sa USS Abraham Lincoln sa pagpabagsak sa drone, nga klase Shehed-139.
Nahitabo ang insidente samtang nagpangandam ang Iran sa pagpadala sa ilang representante aron makig-estorya sa US alang sa posibleng diplomatikong solusyon. Ang aksyon sa Amerika giila nga defensive measure, aron malikayan ang bisan unsang kadaut o insidente sa barko ug sa crew.
Kaniadto, gisulti ni Presidente Donald Trump nga andam silang mugamit og kusog batok sa Iran kon dili kini mohunong sa ilang nuclear activities ug kon mosaka ang ihap sa mga namatay tungod sa protesta ug kahuyang sa ekonomiya. Ang pagkontrol sa tensiyon sa rehiyon ug ang pagsiguro sa kaluwasan sa mga naval assets sa US nagpabilin nga prayoridad sa kasamtangang administrasyon.
