Gipapahawa sa pwesto ni US Defense Secretary Pete Hegseth si Gen. Randy George isip Chief of Staff sa U.S. Army.
Sa pahayag ni Pentagon spokesperson Sean Parnell, epektibo gilayon ang pagretiro ni George isip ika-41 Army Chief, bisan pa kasagaran molungtad pa og upat ka tuig ang termino sa maong posisyon.
Si George gi-appoint niadtong 2023 ni kanhi US President Joe Biden ug usa ka career military officer nga nakasalmot sa Gulf War, ingon man sa mga operasyon sa Iraq ug Afghanistan.
Wala pa gilayon gipaklaro sa Pentagon ang rason sa iyahang pagkatangtang, apan sumala sa usa ka opisyal, kabahin kini sa pag-ilis sa liderato sa militar ubos sa administrasyon ni US President Donald Trump.
Giklatakda nga ipuli kang George si Gen. Christopher LaNeve, nga magsilbing acting Army Chief of Staff. Gihulagway siya isip usa ka “battle-tested leader” nga kasaligan sa kasamtangang administrasyon.
Ang maong lakang misunod sa pahayag ni Trump nga posible nang matapos sa dili madugay ang tensyon tali sa U.S., Israel, ug Iran.
Sukad paglingkod ni Hegseth sa Pentagon, gikataho nga kapin sa usa ka dosena ka mga senior military officials ang iyang gipangtangtang, lakip na ang labaw sa Navy ug Vice Chief of Staff sa Air Force, isip kabahin sa mas lapad nga reorganisasyon sa armadong kusog sa Estados Unidos.
