Nakaangkon ug pagbatikos ang usa ka post sa usa ka uploader nga si Rey Ivan Ocaoi tungod sa pagpost niini ug hulagway nga gilitson nga Iro.
Subay sa post sa nahisgutan, nanghagad kini sa iyahang social media acoount sa Fiesta sa Toril og gipakita ang gituhog nga gilitson.
Tungod sa iyahang post, nagviral kini ug miani ug mga pagsaway sa mga nitizen.
Nakaabot sab kini sa atensyon sa mga Animal Welfare group sama sa Happy Animals Club nga nakabasi sa Matina Aplaya ning dakbayan nga nag-awhag sa mga indibidwal nga kung adunay nahibaw-an nga impormasyon kabahin sa maong post ang makiglambigit kanila gumikan adunay nagsaad nga mohatag sumala pa ug kantidad sa mga makahatag ug sakto nga impormasyon.
Samtang sa laing bahin, nagpublic apology ang uploader ug gikanayon niini nga dili sumala gikan sa Toril ang maong post kondili gikan kini sa website o sa online niini nakauha apan dili na sumala pa niini makita ang tinubdan sa maong hulagway.
Apan sumala pa sa nasampit Animal welfare Advocate Group nga wala’y susama nga hulagway ang ilahang nakita sa internet.
Sa karon nagdeactivate na sa iyahang account ang nahisgutang uploader.
