DAVAO CITY – Gi-did-an na ang pag-operate sa upat ka mga branches sa mga kan-anan nga Tuna Express gumikan sa wala niini pagbayad ug tukma nga buhis ngadto sa kagamhanan.
Dinungan nga gi-kandaduhan sa Bureau of Internal Revenue (BIR) Eleven kagahapon agi ug administrative sanction gumikan sa under-declaration sa ilang halin niining tuiga.
Sa kwentada sa BIR dunay kakulangon sa gibayad nga buhis ang Tuna Express nga mokabat sa kapin sietesentos mil ka pesos. Kung dili kini mabayran sa tag-iya magpabilin nga serado ang nahisgutan nga kan-anan.
Nahilakip sa closeur order ang branches sa Tuna Express Roxas, Artiaga, Matina ug Duterte. Gitataw sa BIR nga wala na nila hatagi ug warning ang tag-iya sa Tuna Express, ug ang pagserado niini magsilbi nga warning sa uban pa nga mga establisamento nga wala sab magbayaran sa ilang bulohisan.
Duna na’y napulo ka mga negosyo ang gipaserhan sa BIR pinaagi sa oplan kandado niini, diin tulo sa mga nahisgutan nahimutang sa Tagum City sa Davao del Norte.
Daan na nga nagpahimangno sab ang BIR nga duna pa’y tulo ka mga establisamento ang maigo sa oplan kandato karong tuiga.
Hugtanon ang pahimangno ni Nosar Balatero, Regional Director sa BIR 11 nga supak sa balaod ang underdeclarion of sales ug ang dili pag-issue ug recebo.
