DAVAO CITY – Gikanayon ni Comelec-Davao assistant regional director layer Gay Enumerables nga anaa lamang sa upat ka mga indibidwal sa Davao region ang nabalhin sa Isolation Polling Precincts (IPP) sa mismong adlaw sa pinili-ay kini base sa gihimong tally sa ahensiya.
Gikanayong ang nahisgutan nga mga indibidwal ang gikan sa mga munisipalidad sa Lupon sa Davao Oriental, Kiblawan sa Davao del Sur, Carmen sa Davao del Norte, ug gikan sa Kaputian District sa Island Garden City of Samal.
Kahinumduman nga adunay gipahimutang nga mga IPP sa matag voting center arun nga didto makaboto kadtong adunay influenza-like symptoms sama na lamang sa taas nga temperatura kini arun masiguro ang health security sa mga botante ilabi na nga nagpabilin pa gihapon karon ang Covid-19 sa rehiyon.
Luyo sa pagpatuman sa IPP, kamatikdan sab nga kadaghanan sa mga botante sa matag tulonghaan ang wala na mituman sa Minimum Public Health Standard atol sa eleksiyon.
Hinuon sa kinatibuk-an, hapsay sumala pa ang eleksiyon dinhi sa dakbayan.
