DAVAO CITY – Sikop ang upat ka maghigala nga puros nagpahuyot og ilegal nga droga sa gikasang buy bust operation kagahapon sa buntag sa may Brgy. Lubogan, Toril ning dakbayan.
Giila sa Toril Police Station ang dinakpang si alyas “PAHAK”, 28 anyos, ulitawo, merchandiser, nga taga Brgy. Lizada, Toril, nga napalitan sa undercover pulis ug isa ka pakete sa shabu.
Sabay sa nahisgutan na transakyon, naabtan sab ang lain pang tulo ka mga dinakpan na si alyas “DANIEL”, 20 anyos; si alyas “LEYMON”, 32 anyos; ug si alyas “JANNO”, 34 anyos, puros drayber ug taga Brgy. Matina Aplaya ning syudad asa naaktuhan nga nag-shabu session.
Himas rehas karon ang mga dinakpan sa Toril Police Station ug nag-atubang ug kasong paglapas sa R.A. 9165 kon Comprehensive Dangerous Drug Act of 2002.
via || Bombo LJF
