DAVAO CITY – Gikumpirma sa US military ang pagguba niini sa unom ka military drones nga matud pa ginagamit sa mga rebelde nga Houthi sa Red Sea.
Sumala pa sa report sa US Central Command (CENTCOM), upat ka nautical drones ug duha ka aerial drone ang naguba sa kadagatan sa Red Sea nga duol sa Yemen.
Sumala pa nga ang gipangguba nga drone ang ginagamit sa mga rebeldeng Houthi nga kanunay nagapalupad og drone sa Red Sea isip kabahin sa ilang taktita sa pag-atake sa mga commercial vessel nga naga-agi sa nahisgutang lugar.
Kahinumduman nga sa wala pa ang maong panghitabo, una nang gikanayon sa US Central Command ang pagguba niini sa usa ka ground control station nga matud pa gihuptan sa Houthi sa Yemen.
Ang presensya sa US sa naingong ehiyon ang kabahin sa tubag niini sa sunod-sunod nga pag-atake sa mga rebeldeng Houthi alang sa naga-aging barko sa lugar lakip na ang gulf of Aden.
Human sa pag-atake sa Houthi sa mga barko, giangkon na sa US ug kaalyado niining UK ang pagprotekta sa mga naga-agi nga barko kalakip na ang sunod-sunod nga pag-atake sa mga rebelde.
Kahinumduman nga ang mag rebelde ang ginatudlo nga nagpalupad og missile nga niigo sa MV Tutor nga gisakyan sa 21 ka mga pilipino diin usa sa ilaha ang ginatuohang nakabsan sa kinabuhi nga dayong nalubog sa kadagatan.
