-- ADVERTISEMENT --

DAVAO CITY – Gumikan kay mokabat sa unom  ang natalang active faults sa dakbayan sa Davao, gipagula sa Department of Science and Technology – Philippine Institute of Volcanology and Seismology (DOST-Phivolcs) ang mapa aron nga makatabang sa mga Dabawenyos sa pagsubay sa onsite ground conditions.

Una ng gilusad sa ahensiya ang Metro Davao Site Response Atlas  diin tumong niini nga makahatag ug impormasyon ug masabtan ang ground motion ingon man site response atol sa pag-igo sa kusog nga linog nga makatabang sa mga residente  ingon man mga tawo nga anaa sa tag-as nga mga gambalay.

Sumala sa atlas, ang active faults sa Davao City ang gilangkuban sa Lacson fault sa Calinan District; Tamugan fault, New Carmen fault, ug Colosas fault sa Paquibato district; ug Dacudao fault ingon man Biao Eskwela fault sa Tugbok district.

Gibutyag sab ni Davao City Disaster and Risk Reduction Management Office (CDDRMO) chief Alfredo Baluran nga dakong tabang ang atlas sa ilang buhatan ilabi na sa ilang operasyon ug panahon sa kalamidad.