Gikabutyag nga usa ka unification championship fight ang sunod nga ihan-ay sa kampo ni Filipino world minimumweight champion Melvin Jerusalem.
Kini homan gipildi ni Jerusalem ang Mexican mandatory challenger nga si Luis Angel Castillo via unanimous decision niadtong milabay nga gabii sa Mandaluyong City College Gymnasium.
Nagpabiling gihuptan sa 30-anyos nga si Jerusalem ang 23-3-0 win-loss-draw ug 12 knockouts ang World Boxing Council (WBC) minimumweight belt.
Samtang kini usab ang unang kapakyasan sa 27-anyos nga si Castillo nga adunay 21-1-1 win loss draw ug 13 knockouts.
Gikabutyag nga usa si Puerto Rican Oscar Callazo sa mga pwedeng hagiton ni Jerusalem sa unification championship fight sa mosunod nga tuig.
Gihuptan ni Collazo ang 10-0-0 ug 7 knockouts ang World Boxing Organization (WBO) title.
Anaa usab sa listahan ni Jerusalem ang kababayan niini nga si Pedro Taduran nga adunay (17-4-1, 13 KOs) ug gidala ang International Boxing Federation (IBF) crown ug si Knockout CP Freshmart (25-0-0, 9 KOs) sa Thailand nga naghupot sa World Boxing Association (WBA) belt.
Sa pakigsangka kang Castillo, gipakita ni Jerusalem ang punching power niini sa dihang gipahagsa ang Mexican challenger sa unang 25 seconds sa first round.
