DAVAO CITY – Gilauman nga masugdan na sa Davao Light and Power Company ang ikaduhang bahin sa underground cabling project sa Ramon Magsaysay Avenue, nga manukad gikan Philippine Post Office hangtod dalang Suazo, bisan unsang orasa karong adlawa o sunod semana.
Gikanayon ni reputation enhancement manager sa Davao Light nga si Fermin Edillon, lauman na sa mga motorista ang huot nga trapiko sa pagsugod sa underground cabling sa Magsaysay.
Ang unang bahin sa phase three sa Magsaysay ang nagpadayon pa sa 57% nga completion rate.
Hugot nga nakig-alayon sa City Transport and Traffic Management Office kon CTTMO ang power company alang sa paggiya sa mga motorista atol sa gipaabot nga kahuot sa trapiko.
Gikatakdang mahuman ang konstruksyon sa unang quarter sa sunod tuig, sa dili pa magsugod ang Araw ng Davao 2024.
Ang kable sa Uyanguren mao ang ikatulo sa lima ka hugna sa underground cabling nga gikinahanglan sa City Ordinance 0152-17 Series of 2017, diin nag-require sa tanang telecommunications firms, Davao Light, ug ubang mga partido nga nalambigit sa pag-convert sa mga overhead wires ngadto sa underground system.
via || Bombo LJF
