Padayon nga nagpahigayon og operasyon ang pipila ka mga personahe, alang sa padayon nga pagmugna og underground cabling alang sa mga kable sa kuryente nga hangtod karun anaa pa nakasangit sa poste sa Ramon Magsaysay Avenue, gikan sa Post Office hangtud sa eskina sa Suazo Street sa Davao City, atol sa Phase 4A sa Underground Cabling Project niadtong Dominggo, Marso 2, 2025.
Gikataho nga mao na kini ang ika-upat nga dalan dinhi sa dakbayan nga matangtang na ang mga overhead wires, human nga makompleto na ang maong operasyon.
Kahinumdumang, nagsugod kining maong proyekto niadto pang tuig 2016, diin nanukad kini gikan sa palibot sa sa Sangguniang Panlungsod ug sa City Hall.
Kini maoy subay na usab sa gimugnang ordinansa sa dakbayan nga adunay Ordinance No. 0177-14.
Tumong sa maong inisyatiba, aron nga mahimong hapsay ang mga nagkadaiyang kadalanan sa dakbayan, ingun man aron nga malikay sa mga spaghetti wires nga maoy ginatumbok nga hinungdan sa mga sunog ug uban pang mga posibleng maghatod og kadaut sa publiko.
