Niabot na sa nasud ang unang shipment nga nagdala og 142,000 ka barrels sa diesel isip kabahin sa mga lakang sa gobyerno aron masiguro ang igo nga suplay sa lana sa tibuok nasud.
Sumala sa DOE, kabahin kini nga shipment sa kinatibuk-ang 1.042 milyon ka barrels sa diesel nga gisiguro sa gobyerno aron mapadayon ang igo nga suplay sa lana sa nasud karong panahuna.
Kahinumduman nga una nang gipahibalo ni Executive Sec.Ralph Recto nga adunay moabot sa nasud nga 1.04 milyones ka bariles sa diesel. Matod niya, ang unang batch moabot na karong semanaha.
Dugang pa sa opisyal nga gipangunahan ni DOE Sec.Sharon Garin ang pagdumala aron makakuha ang gobyerno og ingon niini kadako nga suplay sa diesel.
Gawas pa niini, makadawat usab ang Pilipinas og padayon nga suplay sa coal gikan sa Indonesia.
Kahinumduman nga gikumpirma ni Pang.Ferdinand Marcos Jr. nga napadayon ang igo nga suplay sa krudo sa nasud ug mahimo pa kini nga molungtad hangtod Hunyo 30 karong tuiga.
Kahinumduman nga kapin 700,000 ka bariles sa Russian crude oil ang miabot usab sa nasud niadtong Marso 23 nga gi-order sa Petron Corporation.
