Mitaliwan na ang unang presidente sa Namibia nga si Sam Nujoma sa edad nga 95-anyos.
Gikompirma ni Namibian President Nangolo Mbumba ang pagkamatay ni Nujoma sa iyang balay sa Windhoek.
Human nga nahimo nga independente ang Namibia, nagserbisyo kini isip presidente gikan sa 1990 hangtod 2005.
Sumala pa ni Presidente Mbumba, nga sa miaging tulo ka semana, ang kanhi presidente na-confine sa ospital.
Nailhan si Nujoma sa taas nga pakigbisog aron makuha ang independensya sa Namibia gikan sa South Africa kaniadtong 1990.
Kaniadtong 2007, miluwat kini sa katungdanan isip lider sa nagharing Swapo party human sa 47 ka tuig sa katungdanan.
Ang chairman sa African Union Commission nga si Moussa Faki Mahamat ug pipila ka mga lider sa nasud nagpahayag usab sa ilang mga pahasubo human madungog ang pagkamatay sa kanhing presidente.
