Unang medalya sa PH sa SEA Games, nakuha sa men’s downhill mountain bike

Nasungkit ni John Derick “Jerich” Farr ang unang medalya alang sa Pilipinas sa 33rd Southeast Asian Games, human niini malampusong makuha ang ikatulong pwesto sa men’s downhill mountain bike nga gihimo sa Khao Kheow Open Zoo sa Chonburi.

Natapos si Farr sa oras nga 2:43.67, nga nagpasiguro nga makuha niya ang Bronze medal alang sa nasud.

Ang Thai biker nga si Methasit Boonsane ang nakakuha sa Gold medal human matapos sa oras nga 2:37.85, samtang si Rendy Varera Sanjaya nakakuha sa Silver medal nga nagtapos sa oras nga 2:38.71.

Samtang nagpadayon gihapon ang mga kompetisyon sa Thailand diin ginahimo ang SEA Games.

Taas ang pagsalig sa mga Pinoy nga makadaug pa og lain pang medalya ang mga atleta sa Pilipinas sa lain-laing sanga sa sports.