DAVAO CITY – Sa labing unang higayon, gipahigayon ang usa ka LGBTQ civil wedding ceremony sa Pantukan, probinsya sa Davao de Oro.
Nahimo kining mas unique o pinasahi human nga ang mga groomsmen ug bridesmaid sa maong kasal ang mga bayot ug tomboy usab.
Ang mga tomboy maoy nagsilbing groomsmen samtang ang mga bayot maoy mihupot sa papel isip mga bridesmaid.
Nahimong hugyaw ang beach wedding sa magtiayon nga sila Rico Miel ug Daday Mentay human nga ang mga higala niini nga mga lakin-on ug binabaye ang nagdala gayud og kalipay ug kasadya sa maong seremonya.
Mismong si Pantukan Mayor Jhong Ceniza ang mikasal sa managtiayon ug legal kini gumikan dili susama og sekswalidad ang duruha.
Mapasigarbohon ug dakong kalipay ang nasinatian sa bag-ong kasal gumikan walay makapugong sailahang paghigugmaay nga sangko hangtud sa langit.
