Gikataho sa mga otoridad ang una nga milapas sa COMELEC Gun Ban dinhi sa dakbayan, human nga nasikop ang usa ka lalake nga giilang si alyas Darwin, 21 anyos, taga Barangay 21-C, Piapi Boulevard ning syudad, atol sa nahitabong gikaingong riot sa Barangay 23-C, Quezon Boulevard niadtong nakalabayng gabii.
Subay sa taho sa mga kapulisan, nakuha gikan sa maong dinakpan ang usa ka sumpak nga adunay unod nga bala gikan sa usa ka .45 nga kalibre sa pusil.
Samtang, nakuha sab gikan sa maong suspek ang usa ka gituohang usa ka sachet sa dahon nga Marijuana.
Sa karun anaa na sa kostudiya sa Sta. Ana Police Station ang maong suspetsado ug pasakahan na og kasong paglapas sa Omnibus Election Code Election in relation to Comelec Resolution 11067 (Gun Ban) ug Republic Act 9165 kon Comprehensive Dangerous Drugs Act of 2002.
