Gipaneguro sa United Nations ang nakaandam nga pondo sa mga mag-uuma ug mangingisda nga maapektuhan sa paghapak sa Super Typhoon Pepito.
Gi-activate na sa United Nations – Food and Agriculture Organization (FAO) ang Anticipatory Action (AA) mechanism niini sa Catanduanes ug Northern Samar.
Ang AA ang usa sa mga modernong sistema nga gigamit sa UN sa pagtubag sa mga kalamidad ug mapakusgan ang mga residente nga direktang maapektuhan sa kalamidad.
Matod pa sa UN, adunay pondo ang gigahin aron matabangan ang mga mangingisda ug mag-uuma nga maapektuhan sa bagyo.
Gilangkuban kini sa 2,813 ka mga mag-uuma ug mangingisda sa probinsya sa Catanduanes (Gigmoto, Pandan, Baras, Bato, San Miguel, San Andres, ug Virac) ug 3,610 ka mga mag-uuma ug mangingisda gikan sa Northern Samar.
Ang matag benepisyaryo ang gilaumang makadawat ug tag-P3,300 nga cash.
Ang nahisgutang pondo ang nagagikan sa German Federal Foreign Office ug gipaagi sa FAO special fund for emergency and Rehabilitation Activities (SFERA).
Pipila sa mga gikunsedera sa higayong gi-activate ang AA sa higayong mo-abot sa 89kph ang gikusgon sa bagyo, adunay hataas nga hulga sa landslide ug pagbaha ug nakataas ang red alert level sulod sa 100km diameter gikan sa sentro sa bagyo.
Nahilakip na usab niini ang posibilidad nga maapektuhan ang hangtod sa 15% sa kinatibuk-ang populasyon.
