Napugngan sa mga otoridad sa Ukraine ang usa ka pagsulay nga pagpatay kang Ukrainian President Volodymyr Zelenskyy.
Sumala ni Vasyl Malyuk, ang labaw sa Security Service of Ukraine (SBU), nahitabo ang pagsulay nga pagpatay samtang anaa si Zelenskyy sa Rzeszów Airport sa Poland.
Ang suspetsado mao ang usa ka Polish citizen ug kanhi sundalo, nga gi-recruit pila na ka tuig ang milabay. Subay sa ilahang imbestigasyon, plano sa suspek nga gamiton ang FPV drones ug sniper weapons sa maong pag-atake.
Mapasalamaton si Zelenskyy sa SBU ug sa Polish Internal Security Agency tungod sa ilang paspas nga aksyon nga misangpot sa pagkadakop sa suspek.
Dili kini unang higayon nga gisulayan ang kinabuhi ni Zelenskyy, gumikan sa milabay nga tuig, pipila usab ka mga sundalo sa Poland ang nalambigit sa susamang plano.
Kasagaran sa ilang nadakpan adunay koneksyon sa Russian FSB (Federal Security Service). Sa pagkakaron, anaa sa United Kingdom si Ukrainian President Zelenskyy aron makigpulong kang King Charles III.
