Gisugdan na sa Ukraine ang pagpadala sa ilahang drone experts niini ngadto sa pipila ka nasod sa Middle East aron makababag sa mga drone sa Iran.
Sumala ni Ukrainian Pres.Volodymyr Zelenskyy, adunay lima ka nasod sa Middle East nga nangayo og tabang gikan kanila.
Gawas niini, nangayo usab og dugang nga suporta ang Estados Unidos ug ang Europe.
Ginasusi usab sa Ukraine kung kaya ba nila mabalik ang seguridad sa Strait of Hormuz, diin gitarget sa Iran ang mga barkong moagi sa maong lugar.
Nanguna sa kalibutan ang Ukraine sa paghimo og moderno ug battle-tested nga drone interceptors nga barato ug epektibo.
Kini ang ilahang gigamit sa pagdepensa batok sa pagsulong sa Russia sulod na sa kapin upat ka tuig.
Dugang pa ni Zelenskyy nga ilahang gitun-an karon ang matag lihok sa Shahed drones nga gigamit ug gipanghambog sa Iran.
