DAVAO CITY – Gibutyag ni Bombo International correspondent Lalaine Cañete, usa ma medical health care nga nakabase karon sa Manchester, England nga dili sumala pa maayo ang kahimtang sa United Kingdom (UK) gumikan pa gihapon sa kaso sa Covid-19.
Kahinumduman nga ang nahisgutan nga lugar ang usa sa mga adunay pinakadaghan nga kaso sa maog virus sa Europa.
Sumala pa kang Lalaine nga paspas nga misaka ang kaso sa Covid-19 sa lugar gumikan kay wala dayon kini gihatagan ug pagtagad sa katawhan kaniadtong ubos pa lamang ang nakaangkon niini.
Sa kasamtangan daghanang mga negosyo ug establisyemento sab sa UK ang nanirado gumikan kay naapektohan kini sa pagkatag sa virus.
Gitataw sab sa nahisgutan nga mahilig ang mga taga-UK ug social gatherings hinungdan nga posibleng usa kini sa mga hinungdan nga paspas ang pagkatag sa virus.
Sa kasamtangan, pasulod na sab ang Spring sa UK hinungdan nga mibati na sab ug kabalaka ang gobyerno sanglit hinay-hinay na sab nga naggawas ang mga tawo.
Nanawagan sab kini sa katawhan ilabi na dinhi sa nasod Pilipinas nga maminaw sa mga pahimangno sa gobyerno ug magpabilin sa mga panimalay aron nga daghanang kinabuhi ang maluwas.
