Malipayong gipadayag sa Dean of College sa Medical and Biological Sciences sa University of the Immaculate Conception- Davao ang pagkonsidera na usab sa ilang tulunghaan isip usa sa mga top performing schools sa nasud.
Kini gumikan sa gipakitang abilidad sa ilang mga estudyante atol sa bag-ohay lamang nga licensure examination diin nakuha sa UIC ang Top 7 nga pwesto ug nakabaton og 91.91 nga porsyento.
Alayon niini, nagpadayag og kalipay ug ka proud si Rvin John Servillon, dean sa maong tulunghaan , gumikan sa pagpaningkamot sa ilang mga studyante.
Matud pa niini, usa gayud sa mga abilidad nga ginatudlo sa maong tulonghaan sa ilang mga studyante mao ang aral, dasal, ug asal nga stratehiya kung diin gawas sa paghatag sa mga angay nilang matun-an, mao sab ang pagtudlo kanila sa maayong pamatasan hilabi pa ang kanunay nga pagsalig sa labawng makakagahom.
Sigon pa niini, walay lain sekreto sa maong pag-ila ug pagpasar kondi ang paghatag og disiplina sa kaugalingon inubanan sa kakugi og pag-ampo.
Subli sad niining gipasabot sa katawhan ang kamahinungdanon sa papel nga ginagampanan sa mga medtech nga dakong tabang aron masuta ang mga sakit sa usa ka tawo ug dili lamang basta-basta nga pagkuha og samples nga nahimo nang stereotype sukad pa kaniadto.
