Nag-walkout sa Senado si U.S. President Donald Trump human niya akusahi si Senate Minority Leader Chuck Schumer og “political extortion” ug giingnan pa kini og “GO TO HELL” sa usa ka post sa Truth Social.
Gitawag ni Trump nga “egregious and unprecedented” ang mga kahimtang nga giingon nga gipaningkamotan ni Schumer, nga nangayo og pondo sa gobyerno ug mga garantiya batok sa dugang nga mga budget cuts sa federal funds.
Ang maong kontrobersiya misugod atol sa usa ka kasabutan nga naglakip sa pag-apruba sa pipila sa mga nominado ni Trump, lakip ang 60 ka appointees nga adunay bipartisan support.
Lakip usab sa kasabutan ang mga hangyo sa mga Democrats, sama sa pagpatangtang sa mga gifreeze nga pondo sa National Institutes of Health (NIH) ug sa foreign aid funding.
Apan gibaliwala kini ni Trump ug giakusahan si Schumer nga nangayo og sobra sa usa ka bilyong dolyar baylo lamang sa pipila ka nominado, nga iyang gitawag nga “political extortion.”
Matod pa ni Trump, nga nagpakaulaw lamang kini sa mga Republican kung ilang dawaton ang kasabutan sa ilawom sa maong kondisyon.
Sa usa ka press conference, gibatikos ni Schumer si Trump sa gilayong pagsalikway sa kasabutan ug nangutana pa kini kung kini ba ang iyang ginatawag nga “Art of the Deal.”
Human sa insidente, mibotar ang Senado alang sa pito ka mga nominado sa wala pa sila mi-adjourn alang sa recess.
