DAVAO CITY – Gikompirma ni 10th ID Philippine Army Commanding General Ralph Valencia nga matigayon ugmang sa buntag ang change of command sa nahisgutan nga buhatan, diin mopuli na kaniya si Major Gen. Noel Clement.
Mopasiugda sa Change of Command mao ang commanding Gen. sa Philippine Army Lt. Gen. Miranda.
Dugay na sumala pa nga naplano ang nahisgutan nga kalihukan gumikan sa mi-retired nga pipila ka mga opesyal sa kasundalohan.
Si Maj. Gen. Valencia mao na ang bag-ong Inspector Gen. sa AFP ug didto na mangatungdanan sa kampo Aguinaldo.
Nagpasalaman na lamang si Maj. Gen. Valencia sa suporta kaniya sa mga taga-region eleven ug sa uban pang dapit nga ubos sa pagdumala sa 10th ID Philippine Army.
Nanghinaut na lamang siya nga susama sab nga suporta ang ihatag sa katawhan sa mopuli kaniya nga si Maj. Gen. Noel clement.
