Nag-viral ang usa ka Russian tourist nga naghubag ang kinatawo, homan kini gisungay sa baka nga matod pa gisulayan niining maka-sex sa usa ka bukid nga bahin sa Surat Thani, Thailand.
Matod pa sa report, naabtan sa kapulisan ang Russian nga si Evgenii Kuvshinov, 26 anyos, ug naghubo na ug naghigda samtang gisungay sa baka.
Gusto kuno sa turista nga iskoran ang baka apan nasuko ang hayop ug gisungay kini, hinungdan nga gikinahanglang i-rescue kini sa mga awtoridad.
Matod pa nakita kuno sa Russian tourist ang baka nga gihiktan sa usa ka bukid sa Surat Thani, sa southern Thailand.
Pipila ka mga residente sa lugar ang nagsuspetsa sa lalaki gumikan kay naghubo na kini hinungdan nga ilaha kining gi-report sa kapulisan.
Nadunggan usab sa mga residente ang pagpangayo ug tabang sa Russian tourist homan kini gi-ataki sa baka.
Nakakita usab kuno ug marijuana o cannabis sa sakyanan sa Russian tourist, hinungdan nga posible kuno kining high o bangag sa iligal nga droga.
Una kuno ang panghitabo, nakig-break sa nahisgutan ang girlfriend niini nga usa ka flight attendant, hinungdan nga baka na lamang natripan sa nahisgutang turista.
