Tungod sa P79 nga gasto sa kaon sa matag adlaw, babayeng Hapon nakapalit ug tulo ka mga balay

Nakapundar ug tulo ka mga balay ang 34-anyos nga babaeng Japanese tungod sa iyang sobrang pagdaginot.

Mao kini ang malampusong istorya ni Saki Tamogami, nga giisip nga “most frugal woman in Japan.”

Subay sa usa ka documentary show sa Japan, si Saki mugasto lamang og P79 sa kaon matag adlaw subay usab sa iyang mga nagasto ug pagmonitor sa matag adlaw.

Gipaambit ni Saki nga 19-anyos pa lamang kini pangandoy na niini nga makabalay og tulo sa edad nga 34-anyos.

Gisiguro niya nga walay sentimong mausik sa iyang sweldo hinungdan nga grabe ang iyang pagka-praktikal.

Dugang pa ni Saki nga ang iyang tulo ka mga balay ang kasamtangang gipa-abangan niini arun makapalit na usab sa iyang plano nga ika-upat nga balay.