Gituohan nga ang dili na ma-antus nga gihambin nga sakit nga kidney ang hinongdan sa pagpakamatay sa usa ka pasyente gikan sa ikaduhang andana sa Southern Philippines Medical Center (SPMC) kagahapon.
Naila lamang ang biktima nga usa ka Ricky, 45 anyos, residente sa Agdao, ning dakbayan sa Davao.
Migula sa imbestigasyon sa Buhangin Police nga miambak ang biktima gikan sa ikaduhang andama sa gambalay kagahapon sa mga alas 4:00 sa kaadlawon.
Wala na gayud naluwas pa biktima gumikan sa nahi-aguman nga bali ug bun-og sa kalawasan niini.
Gi-deklara gilayon nga patay ang biktima sa iyang doctor. Nasayran nga Pebrero 15 gidala si Ricky sa SPMC gumikan sa sakit nga kidney.
Padayon karon ang gilusad nga imbestigasyon sa kapolisan sa nahisgutan nga panghitabo.
