DAVAO CITY – Sikop sa gilusad nga drug buy bust operation sa mga sakop sa Panabo City Police Station, 2ND DNPMFC, PDEA Davao del Norte, ug RSOG RPDEU 11 ang tulo ka mga indibidwal nga nakuhaan ug pakete sa ginadili nga druga.
Gilusad ang operasyon sa Brgy. Cagangohan sa nahisgutan nga siyudad diin naila ang mga dinakpan nga sila si Mando Ali Angkal alias “REN”, male, 36 years old, Rosman Mastura Tasil, 41 anyos, susama nga residente dinhi sa dakbayan sa Davao ug Jaime Guiabal Tasil alias “Kusa”, 42 anyos, residente sa Brgy. New Visayas, Panabo City.
Susama karon nga anaa sa kustodiya sa PNP Panabo City ang mga dinakpan ug gi-andam na ang tukma nga kaso nga iduso batok sa nga nahisgutan.
Padayon karon ang panawagan sa kapulisan sa pagpanguna ni PLTCOL ATTY VERNA L CABUHAT ngadto sa mga residente sa panabo nga kanunay mag-igmat ug ipahibalo gilayon kung adunay nasayran nga mga illegal nga aktibidad aron nga mapabilin ang kahusay ug kalinaw sa siyudad.
