Tingkagol sa prisohan ang tulo ka mga lalaki human kini nanunggab gamit ang gunting sa usa ka biktima sa usa ka establishemento didto sa F. Torres St., Brgy. 11, ning dakbayan, kagahapon.
Sa inisyal nga imbestigasyon nga gipahigayon sa mga otoridad, sakay sa usa ka trisykad ang mga suspetsado nga giilang sila Ramel Dongilla, 33 anyos ug Warren Empok, 37 anyos, pulos residente sa nasampit nga lugar, ug alyas David, 32 anyos, residente sa Sta Cruz Davao del Sur samtang gihimo ang krimen.
Gumikan sa maong panghitabo nakahiagom og samad sa liog nga bahin ang biktima nga si alyas Tata kinsa daling gidala sa balay tambalanan alang sa pag-paalim.
Mapasalamaton sab ang mga residente sa mga kapulisna gumikan sa paspas nga pagresponde diin ning kasamtangan, balhog na ang tulo sa kwerpo sa kapulisna ug gikatakda na kining pasakaan og kaso.
