DAVAO CITY – Gibalhin na kagahapong adlawa sa Southern Philippines Medical Center (SPMC) ang tulo sa upat ka mga pasyente nga kalakip sa nahagsang C-130 plane sa Patikul, Sulu sa milabay nga dominggo nga gikamatay sa 52 ka mga indibidwal diin tulo niini mga sibilyan.
Una ng gibutyag ni Zamboanga City Mayor Ben Climaco, nga gibalhin ang upat ka mga sundalo sa SPMC tungod sa grabe nga injury nga naangkon niini ug matutukan sab ang kondisyon sa mga nahisgutan hangtud na sila makarekober.
Una ng nasayran nga pipila sa mga nakalingkawas sa nahisgutan nga insidente ang milukso dihang natanggal ang pako sa eroplano hinungdan nga naangkon sila ug mga injury sa kalawasan gawas pa sa mga paso human nga mibusikad ang eroplano.
Pipila sa mga nakaluwas ang padayon sab karon nga nagpaalim sa hospital sa Zamboanga.
