Pipila ka minuto ayha ang pagsugat sa 2025, usa ka pagbusikad ang natala sa peryahan sa Matalam North Cotabato.
Sumala kang Matalam Vice Mayor Ralph Ryan Rafael nahitabo ang pagbusikad pasado alas onsi kagabii sa peryahan sa Sitio Condring, Barangay Marbel, Matalam.
Giila sa Matalam PNP ang nakabsan sa kinabuhi nga si Romel Presto Cabiso, residente sa nasampit nga munisipalidad.
Sumala pa sa inahan niining si Hilda Presto nga nga nagamotorsiklo ug cellphone lamang sumala pa ang hilig ug wala kini bisyo.
Sa pakakaron, nakig-koordinar na ang amo sa biktima ngadto sa mga otoridad nga nagtrabaho isip laborer.
Nasayan nga pauli na unta sa ilahang panimalay ang biktima ayha mag-alas alas Duse si Cabiso ug naghulog lamang ug sinsilyo sa piso wifi duol sa peryahan atol sa paglabay og granada.
Nasayran usab nga mabdos ang asawa sa biktima ug gani wala pa’y tuig usab nga nakadsan ang anak niini sa kinabuhi.
Samtang adunay lima ka mga indibidwal ang nabiktima usab sa pagbusikad sa granada nga karon anaa pa sa ospital.
Ang kapulisan, padayon karon ang gihimong imbistigasyon. Samtang sa laing bahin, duha ang nakabsan sa kinabuhi sa Cebu City atol sa pagsaulog sa bag-ong tuig.
Usa ka 23-anyos nga lalaki nga residente sa Brgy. San Roque, Asturias, Cebu ang namatay human nga nabuthan sa usa ka pabuto samtang nagsaulog sa Bag-ong Tuig.
Giila ang biktima nga si Cyril John Amarillo Remis.
Sumala sa kapulisan, gilantaw sumala pa sa biktima ang bombshell sa pabuto nga sa pagtuo niini wala na kini sulod apan na lamang kining nibusikad ug miresulta sa pagsamad sa iyahang nawong nga maoy hinungdan sa iyahang kamatayon.
Samtang usa usab ka otso anyos nga batang lalaki ang namatay human nga naigo sa nalagpot nga buak nga tiles ug bato samtang nagpaboto ug “Goodbye Philippines” sa Purok Camunggay, Barangay Candulawan, Talisay City.
