DAVAO CITY – Nakabsan sa kinabuhi ang upat ka mga indibidwal sa nahitabong aksidente dapit sa Purok Durian, Apokon, Tagum City, Davao del Norte kagahapon sa kadlawon.
Subay sa imbestigasyon sa Tagum City Police, bandang alas-tres kwarenta sa kaadlawon, nagbaybay pa sa kadalanan gikan Maco, Davao de Oro padulong Tagum City ang duha ka motorsiklo.
Pag-abot sa pakurbadang bahin sa dalan, nisugat kanila ang usa ka pick up.
Nagkarambola ang tulo ka mga sakyanan nga gikamatyan sa mga sakay sa motorsiklo.
Nabangga pa sa duha ka poste sa kuryente ang kaatbang nga pick-up hinundan sa pag-brown out sa pipila ka mga kabalayan duol sa lugar sa aksidente.
Mitahan ang driver sa pick up sa kapulisan nga posibleng mag-atubang ug kaso.
Samtang, ginaayo sa mga personahe sa NORDECO ang mga poste aron mahibalik ang kuryente sa lugar.
via || Bombo LJ Florendo
