DAVAO CITY – Padayon pa nga nagpa-alim sa ilang nahi-aguman nga bali ug bun-og ang tulo ka pasahero, lakip na ang driver nga sakay sa usa ka pick-up nga nakahilambigit sa aksidente sa kadalanan sa Sulop, Davao del Sur.
Natigayon ang bangga mga ala 1:oo ang takna sa hapon human nga ang bus kalit nga nabangga-an sa Mindanao Star sa national highway sa Sulop, Davao del Sur.
Unang nasayran nga usa ka motorsiklo nga gimaneho sa usa ka Dennis Kim Monteverde, 29 anyos, reidente a Poblacion, Sulop, Davao del Sur.
Sakay sa motorsiklo ang tulo ka mga pasahero nga gilakipan nila ni Lea Sarafuerto, 18 anyos, residente sa New Cebu, Sulop, Davao del Sur, ug usa ka Gentle Sacasan Tabulong, kinse anyos, ug usa ka Ana Mae Largo, 17 anyos, residente sa Laperas, Sulop, Davao del Sur.
Nasayran nga samtang nagdagan ang nahisgutan nga pedecab ug nagsunod niini ang usa ka Mindanao Star Bus nga gimaneho sa usa ka Fermin Dacalos Gumpa, 44 anyos, residente sa Makilala, North Cotabato wala na makapreno ang nahisgutan bus hinongdan nga gidaro niini ang pedecab ug nawad-an ug control ang driver ug nadiretso sa kanal nga bahin ug natuwad.
Ang mga sakay niini nakahi-agum ug samad ug mga bun-og ug gipangdala sa Davao del Sur Provincial Hospital.
Samtang ang driver sa bus nga mao si Fermin Dacalos, aboluntaryo nga mitahan ngadto sa kapolisan sa Sulop.
