Padyon karon ang pagpangita sa otoridad ngadto sa usa ka lalaking kawatan.
Nakuhaan og video sa CCTV ang usa ka lalaking nanigpaw og bag nga dunay kwartang panukli sa usa ka tindahan nga nahimutang sa Kapalong, Davao del Norte kagahapon sa buntag.
Subay sa video nga giupload ni Marry Ann, nakasuot og kalo, nakamask, nnakajacket ug nakasuot og maong pants ang suspetsado.
Ayha matud pa ang panghitabo, nagpacash-in matud pa og P2,000 ang suspek ug nakadalikyat pa og pangutana sa presyo sa mga bag nga nakadisplay, apan, sa wa damhang higayon, sa dihang mihawa kadali ang babayeng kostumer, nakakuha matud pa og higayon ang suspek aron lipaton ang tindera rason nga nasikwat ang usa ka pouch nga dunay unod nga kwartang panukli.
Hinoon, klarong narehistro ug nakuhaan og hulagway ang suspetsado gamit ang camera rason nga nanawagan sab ang tag-iya ngadto sa mga posibleng nakaila sa suspek nga gilayon kining itaho sa kapulisan aron nga gilayon sab kining madakpan.
