DAVAO CITY – Laoman sumala pa ang paghuot sa dagan sa trapiko sa San Isidro, Buhangin, ning dakbayan sa Davao.
Kini human nga magtukod sumala pa ang Department of Public Works and Highways (DPWH) ug pedestrian overpass sa maong lugar.
Matud pa kang Dean Otiz ang tigpamaba sa DPWH, nga sugdan kini sa alas onse sa gabii sa Pebrero 24 hangtud alas singko buntag sa Pebrero 25.
Tungod niini, magpatuman ang DPWH ug temporary closure sa Davao City Diversion road samtang gitukod ang maong overpass.
Kabahin pa gihapon ang maong proyekto sa mas gipahugtan nga Anti-Jaywalking policy sa siyudad hinungdan nga naglaom ang opisyal nga unta gamiton kini sa mga tawo sa lugar sa higayon nga matapos na ang katukuran niini.
Karun pa lang, nangayo na ug pagsabot ang opisyal sa mga maapektohan nga motorista.
