DAVAO CITY – Gipasalig sa lokal nga kagamhanan sa Sto. Tomas Davao del Norte nga padayon nila nga hatagan ug supply sa tubig mainom ang Barangay Tulalian kini human nga migula sa gipahigayon nga eksaminasyon nga kontaminado ang ilang tubig ug bacteria nga maoy hinungdan nga nakasinate ug diarrhea ang mga residente sa lugar.
Kahinumduman nga mikabat sa kapin 400 ang nakasinate ug pagpanakit sa ilang tiyan ingon man pagsuka-suka ang mga residente sa lugar ug tulo usab ang natalang namatay.
Migula sa pagtuon nga nga kontaminado sa E. coli bacteria ang ang water sources sa barangay hinungdan nga hugtanon una nga gidili ang pagkuha ug tubig gikan niini.
Una ng gibutyag ni Dr June Lim, ang health officer sa Sto Tomas nga 13 ka mga nakasinati ug cholera human nga gipailalom ang mga nahisgutan sa random rectal swabbing ug migula nga diarrhea ang miigo sa mga residente tungod sa amoebiasis, acute gastroenteroritis secondary to E. coli infection ug intestinal parasitism.
Mas maayo sumala pa nga pabukalan una ang tubig ayha kini gamiton o imnon aron masiguro nga malikayan ang susama nga insidente.
