Gitubag na ni Davao City 3rd District Congressman Isidro Ungab ang nahimong pamahayag sa Department of Budget and Managemet (DBM), labot sa mga blangko nga Bicam Report diin ang basehan mao ang General Appropriations Bill.
Miuyon si Ungab sa nahimong tubag sa DBM labot sa maong gihisgutan, apan wala kini miuyon sa pagtawag niini ngadto kanila nga nagapadangat sumala pa sila og false information, gumikan sakto sumala pa ang ilahang gigunitang mga dokumento.
Giklaro ni Ungab nga ang Bicam report maoy produkto sumala pa sa ilahang gipahigayong Bicameral Conference ug dili ang GAA nga maoy gihimong tubag sa DBM.
Dugang pa niini nga dili sumala pa sulayan sa DBM nga lahion ang isyu, gumikan ang ilahang gipangutana dili mahitungod sa GAA, apan mao ang Bicam Report nga blangko, nga maoy resulta sa ilahang gipahigayong conference.
Kahinumdumang, gipakita ni Cong. Isidro Ungab ang kulang nga mga datos sa Bicameral Conference Committee report susama sa agricultural ug fisheries modernization program sa Department of Agriculture (DA) diin ang budget alang sa National Irrigation Administration (NIA) ug Philippine Coconut Authority (PCA) nga blangko kon wala pagdiklara og sakto nga kantidad.
