DAVAO CITY – Nagkulang na karon ang temporary treatment and monitoring facilities (TTMFs) sa siyudad hinungdan nga nalangan sab karon ang pagkuha sa Covid-positive patients sa ilang mga pinuy-anan.
Sa kasamtangan ang dakbayan sa Davao aduna sumala pay 2,027 beds sa TTMFs.
Sa nahisgutan nga ihap, 1,466 ang fully occupied alang sa isolation samtang ang pipila niini gigamit sa uban nga kaso nga gikinahanglan sab ug quarantine.
Sa kasamtangan, nangita pa ang lokal nga kagamhanan ug uban pang available areas aron nga makatukod ug bag-ong TTMFs aron nga masolusyonan ang kaso sa siyudad.
Nakiglambigit sab karon ang lokal nga kagamhanan sa uban nga mga asosasyon sa mga doktor aron nga magpahigayon ug telemedicine aron nga ma-assist ang Covid-19 positive patients nga naghulat na lamang nga kuhaon ug ibalhin paingon sa TTMF.
Una ng gibutyag ni Mayor Inday Sara Duterte Carpio nga gibalik pagpailalom ang siyudad sa modified enhanced community quarantine (MECQ) classification kini tungod sa pagsaka sa kaso ingon man occupancy rate sa TTMFs ug sa mga hospitals.
